Ræktunarfélagið Hákon

um stóðhestinn Hákon frá Ragnheiðarstöðum IS2007182575

26.02.2011 11:48

Aðalfundur 12. mars 2011



Ákveðið hefur verið að halda aðalfund Ræktunarfélagsins Hákons laugardaginn 12. mars nk. Upplýsingar um fundarstað og fundartíma verða gefnar út á næstu dögum. Stefnt er að því að sýna Hákon hluthöfum þennan dag.

09.02.2011 10:51

Hákon flottur



Hákon er fljótur í form og burð. Töltið er honum náttúrulegt, rífandi gangur eins og einhver sagði. Norsk stúlka, Tine Johansen, náði þessari mynd af Hákoni þegar þeir Erlingur voru á reiðtúr í síðustu viku.

09.02.2011 00:01

Sóllilja frá Hamarsey sigraði á folaldasýningu



Hákonsdóttirin Sóllilja frá Hamarsey sigraði flokk merfolalda á folaldasýningu Andvara síðastliðna helgi. Fleiri myndir á www.hamarsey.is

Hákon er þegar farinn að stimpla sig inn sem ræktunarhestur.

08.02.2011 23:15

Ófeigur Hákonssonur folald sýningarinnar í Söðulsholti



Þann 29. janúar síðastliðinn var haldin folaldasýning í Söðulsholti á Snæfellsnesi. Skemmst er frá því að segja að Hákonssonurinn Ófeigur frá Söðulsholti var kosinn folald sýningarinnar af áhorfendum. Hann var í 2. sæti í flokki hestfolalda að mati dómaranna.

Nánari úrslit og fleiri myndir á www.sodulsholt.is

22.12.2010 20:13

Hákon í Hestum og hestamönnum



Hákon er efstur á blaði í upptalningu á vonarstjörnum næsta sumars. Jens Einarsson, ritstjóri hestablaðsins Hesta og hestamanna, gerði úttekt á helstu vonarstjörnum hrossaræktar á Íslandi, þ.e. folum á fjórða.

Annars er að að frétta af Hákoni að hann er kominn inn til Erlings og Viðju í Langholti og þjálfun hans fer í gang núna um jólin. Hann er í góðu standi og hefur þroskast vel í haust.